• Иран и Северный Кавказ: новый вектор взаимоотношений

    Иран и Северный Кавказ: новый вектор взаимоотношений

  • Фестиваль национальных культур объединил студентов Северного Кавказа

    Фестиваль национальных культур объединил студентов Северного Кавказа

  • Команда СОГУ – победитель регионального этапа всероссийского хакатона «Собери университет»

    Команда СОГУ – победитель регионального этапа всероссийского хакатона «Собери университет»

  • Творческий подарок от иностранных студентов СОГУ

    Творческий подарок от иностранных студентов СОГУ

  • СОГУ - локальный центр тестирования иностранных граждан от МГУ им. М.В. Ломоносова

    СОГУ - локальный центр тестирования иностранных граждан от МГУ им. М.В. Ломоносова

Салам сымахæн, Сылгоймæгтæ!

Magometov 8 march 0207.03.2017
Æрцыд æппæтадæмон кадджын бæрæгбон. Уæлдай æхсызгон у нæлгоймæгтæн. Ногæй та сын диссаджы фадат ис сæ рæсугъд æнкъарæнтæ æмæ зæрдæты хъарм равдисынæн. Уалдзыгон хуры æрттиваг тынтимæ иумæ уæздан æмæ рæвдауæн ныхас зæгъынц СЫЛГОЙМÆГТÆН.

СЫЛГОЙМАГ… Уый у царды фидауц, æппæты стырдæр æмæ фидардæр гæнах саразын кæй номыл хъæуы, Хуыцауы ахæм минæвар а зæххыл. Дуне уымæй фидауы, дзыллæты иугæнæг тых, зæгъгæ, дзы хуымæтæджы нæ фæзæгъынц.

СЫЛГОЙМАГ… Ныртæккæйы царды ахæм къабаз нæй, æмæ йæ диссаджы зонд æмæ зæрдæйы ахастæй кæй нæ саив кодта. Суанг ма уæлæрвтæм дæр стахт. Æппæты фыццаг уыцы уæлахиздзинад нæхи рæсугъд чызг Терешкова Валентинæйы армы кæй бафтыд, уымæй йæ сæр бæрзæндты хæссы уæрæсейаг алы нæлгоймаг дæр. Йæ райгæрст фæндагыл фæстæдæр кæд бирæ сылгоймæгтæ абалц кодтой, уæддæр Уæлахизы тырыса нæхимæ ис.

СЫЛГОЙМАГ… Ирыстоны кад алы фæлгæты дæр бæрзонд цæмæй уа, цæмæй нæ Фыдыбæстæ фидар бынат ахса æгас зæххы къорийы дæр, уымæн бирæ фадæттæ аразы куыстуæтты, кусæндæтты, хъæуты. Цыбыр дзырдæй, алкæм дæр нæ зондджын мадæлтæ, хотæ, бинойнæгтæ, чызджытæ кады æмæ рады «уæз» æхсызгонæй æмæ уæнгрогæй хæссынц. Нæлгоймæгты узæлд æмæ арфæтæ та сын ныфс дæттынц. Нæлгоймæгтæ сæхæдæг та уыдоны уарзондзинадæй, конд æмæ уындæй тыхджындæр кæнынц.

СЫЛГОЙМАГ… Зондамонæг, ахуыргæнæг, хъомылгæнæг. Уыдон абон Цæгат Ирыстоны Хетæгкаты Къостайы номыл паддзахадон университеты дысфæлдæхтæй архайынц адæмон хæдзарады æмæ культурæйы æппæт къабæзтæн дæр дæсны кусджытæ цæттæ кæныныл. Нæ профессортæн, ахуыргæнджытæн æмæ зонадон иртæстыты архайджытæн сæ фылдæр сты уыдон. Уæдæ бынтон сæрыстыр æмæ ныфсджын та стæм нæ зондджын æмæ сæрæн чызджытæй. Ахуыры, зонадон агуырдтыты, аивады, спорты – цард сæм кæдæм сиды, уыцы фæндæгтыл цæуынц уæндонæй, ныфсджын къахдзæфтæй. Каст сæ чи фæци, уыдоны хорз хабæрттæ нæм арæх цæуынц сæ куысты бынæттæй, æмæ нæ зæрдæтæ рухс сты уымæй.

СЫЛГОЙМАГ… Æнæниздзинад. Фарн. Намыс. Кад. Хæдæфсармдзинад. Иууылдæр уæ хай уæнт. Æппæты стырдæр хай та уæ уæд уарзондзинадæй. Уый базыртæ уæ амондджын фæндæгтыл хæссæнт уалдзæджы, сæрды, фæззæджы, зымæджы. Уæ зæрдæты кæддæриддæр уалдзыгон æнкъарæнтæ хæлбурцъытæ кæнæнт.

Салам сымахæн, СЫЛГОЙМÆГТÆ!

МÆХÆМÆТТЫ Ахуырбег,
историон наукæты доктор, профессор,
Уæрæсейы ахуырады академийы уæнг-
уацхæссæг, Цæгат Ирыстоны Хетæгкаты
Къостайы номыл паддзахадон
университеты президент